Biblioqrafiya: səh. 39

Bu metodik vəsait ilk növbədə Azərbaycan xalq çalğı və simfonik orkestr alətlərinin musiqi təmayüllü ali və orta ixtisas təhsil ocaqlarında öyrənilməsinə kömək edir.
Onu qeyd edək ki, "Alətşunaslıq” fənni və onunla bir blok təşkil edən "Orkestrləşdirmə", "Partitura qiraəti" 1 (Partitura oxunuşu) və bu kimi fənnlərə aid müxtəlif yönümlü dərslik və metodik vəsaitlərə rast gəlinsə də bizim müraciət etdiyimiz formada, yəni xalq çalğı və simfonik orkestr alətlərinin bir kitabçada metodiki yollarına dair elmi-metodik vəsaitlər göstərilməmişdir.
Bütün bu qısa arayışlardan sonra bizim ilk tövsiyəmiz bundan ibarətdir ki, "Alətşunaslıq” fənni üzrə dərsə başlarkən yaxşı olar ki, müəllim, tələbə ilə ümumi söhbət apardiqdan sonra, tələbəyə Azərbaycan xalq çalğı alətləri və simfonik orkestrnin tarixi, alətlərin təsnifatı və onların texniki, bədii imkanları haqqında ümumi məlumat versin, keçilmiş biliklərini təkrarlasın.
Bu baximdan da biz ilk öncə metodik işimizdə istifadə edəcəyimiz orkestrin tərkibinə daxil olan Azərbaycan xalq çalğı alətləri və həmin alətlərin ifa xüsusiyyətləri barəsində qısa məlumatları təqdim edək.
Xalq çalğı alətləri orkestri üç qrup alətlərdən-nəfəslə çalınan alətlər (balaban və onun müxtəlif növləri, tütək, zurna), zərb alətləri (dəf, nağara, qoşa nağara), simli alətlər (tar, saz, qanun, ud, bas tar, kamança, bas kamança), və bir də 30-cu illərdə orkestrə daxil edilən fortepianodan ibarətdir. Simfonik orkestr haqqında isə xalq çalğı alətlərindən sonra tədrisə başlamaq məqsədə uyğundur.

Alətşunaslıq. Musiqi təmayüllü ali və orta ixtisas məktəbləri üçün Azərbaycan xalq çalğı və simfonik orkestr alətləri üzrə metodik vəsait.