Dərs vəsaiti tərtib edilərkən Azərbaycan dilində dərsliklərin cüzi sayda olması da nəzərə alınmış və mümkün qədər geniş elmi məlumatlara üstünlük verilmişdir.

Kitabın üz qabığında: S.Raxmaninovun portreti, müəllif: L.Pasternak

Kitaba Azərbaycan müasir ifaçılıq məktəbinin tanınmış nümayəndəsi, özünün üslub parlaqlığı, emosionallığı, xüsusi temperamenti, ifadəliliyi, coşqunluğu, səmimiliyi, gözəl texniki imkanları, musiqi əsərlərinin xüsusiyyətlərini və bədii dramaturji məzmununun düzgün ifadə etmək bacarığı ilə fərqlənən Yeganə Axundovanın məşhur rus bəstəkarı S.Raxmaninovun konsertlərinin yaranma tarixi, ən mühüm üslub xüsusiyyətləri, məzmunu və quruluşu barədə elmi məlumatlar daxil edilmişdir. Əsərdə tələbələrin qavraya biləcəyi səviyyədə fortepiano üslubu, ifaçılığı ilə bəstəkar yaradıcılığı arasındakı əlaqələr açıqlanmış, S.Raxmaninovun fortepiano ilə orkestr üçün Birinci, İkinci, Üçüncü və Dördüncü konsertləri nəzəri və ifaçılıq mövqeyindən təhlil edilmişdir.

aze