Azərbaycan muğamı dünyanın mənəvi dəyərlər sisteminin ən nadir incilərindəndir. Azərbaycan muğam irsinin qorunub gələcək nəstlərə çatdırılması və dünyada tanıdılması bizim mənəvi borcumuzdur. Təqdim etdiyimiz növbəti muğam layihəsinin ali missiyası da məhz bundan ibarətdir.
Kitab iki hissədən ibarətdir. I hissə muğam terminlərinin şərhinə həsr olunmuşdur. "Azərbaycan muğamı - kolleksiya" adlanan II hissədə isə muğamın ayrı-ayrı janr və növlərinə aid nümunələr toplanmışdır.

Kitab musiqişünaslar, folklorşünaslar, bəstəkarlar, musiqi ifaçıları, ali və orta ixtisas musiqi məktəblərinin müəllimləri və tələbələri, həmçinin Azərbaycanın şifahi ənənəli musiqi yaradıcılığı ilə maraqlanan oxucular üçün nəzərdə tutulur.