Giriş -- Cəmiyyətin inkişafında, onun intellektual potensialının formalaşmasında təhsilin müstəsna əhəmiyyəti -- Yüksək intellektə malik insan kapitalının formalaşmasında təhsilin rolu indiki qədər aktual olmamışdır -- Təhsil sistemində idarəetmə mədəniyyəti, təhsil müəssisələri rəhbərliyinə yeni yanaşma -- Təhsilin inkişafı təhsilverənlərdə peşəkarlığın, səriştəliliyin səviyyəsinin qiymətləndirilməsi -- Təhsilalanın diqqət və marağını cəlb etmək müəllimdən şəxsi bacarıq və istedad tələb edir -- Təlim – müəllimin öyrətmə, şagirdin öyrənmə fəaliyyətini özündə birləşdirən bitkin bir sistemdir -- Fəal interaktiv təlim metodlarının tətbiqi tədris prosesini xeyli intensivləşdirir -- Yeni kurikulum təhsil prosesi ilə bağlı bütün fəaliyyətin səmərəli təşkilinə, məqsədyönlü və ardıcıl həyata keçirilməsinə imkan verir -- Ali təhsilimiz Avropa məkanına inteqrasiya olunur -- Azərbaycançılığın mahiyyəti müxtəlif xalqların, mədəniyyətlərin, ənənələrin vəhdətidir -- Sağlam həyat tərzinə qarşı məhəbbət və rəğbət hissləri aşılamaq lazımdır -- Tərbiyə məsələlərinin həllində müstəsna yer ailəyə məxsusdur.

Hər bir xalqın, dövlətin gələcək taleyini zəngin təbii sərvətlərlə birgə, həm də elmi-mədəni, intellektual potensialı, bunların fövqündə dayanan insan kapitalı, təhsil sisteminin necə qurulması müəyyənləşdirir. Hazırda ölkəmizdə təhsil islahatları aparılır, təhsilə kifayət qədər maliyyə vəsaiti ayrılır, ictimai, siyasi və mənəvi dəstək var. Müstəqil Azərbaycan dövlətinin təhsilini dünyanın inkişaf etmiş ölkələrinin təhsil sisteminə yaxınlaşdırmaq bu günün ən vacib vəzifəsidir. Cəmiyyətin səviyyəsi təhsillə ölçülür; təhsil cəmiyyətin inkişafında ən mühüm komponentlərdən biri hesab olunur. Müəllif o dəyərləri əks etdirir, cəmiyyət və təhsil tandemini sübutlamağa çalışır, təhsildə baş verən yeniliklərə adekvat münasibət bildirir, bəzi problem məsələlərin həlli yollarını göstərir və s. Kitabda təhsilin keyfiyyətinin yüksəldilməsi, yeni texnologiyalardan səmərəli istifadə ilə bağlı irəli sürülən tövsiyələr və ümumiləşdirilmiş nəticələrin verilməsində “İdrak” liseyində toplanmış təcrübədən geniş istifadə olunmuşdur.

Kitab yalnız orta məktəbdə işləyən pedaqoji işçilər (təhsilverənlər) üçün deyil, həm də sabahın müəllimi olacaq tələbələr, pedaqoji prosesin iştirakçısı olan valideynlər üçün maraqlı vəsaitdir.